Comintzat su 3 de làmpadas su “Carrasegare ‘Osincu” 2022

Dae su 3 a su 7 de su mese de làmpadas 2022 in Bosa s’at a fàghere su “Carrasegare ‘Osincu”.

Comente mai in su mese de làmpadas?

Ca ocannu in freàrgiu totu sas biddas fiant luadas dae sa variante Òmicron de su Covid, e no at fatu a festare su carrasegare.

Programma de sa manifestatzione 2022:

Dae sa prima die a su 15 de làmpadas:

  • Museu “Casa Deriu”: Mustra de sas màscaras traditzionales de Sardigna.

Chenàbura 3 de làmpadas:

  • A sas 6 de sero (h 18,00): Sfilabosa – Carrasegare de Bosa – Parada de màscaras e de carros  in sas carreras de sa zona istòrica. A pustis mùsica pro totus.

Sàbadu 4 de làmpadas:

  • A sas 6 de sero (h 18,00) in sa zona istòrica: Cantine in maschera – Giru turìsticu enogastronòmicu cun màndigos e binos de sa traditzione bosinca.
  • A sas 11 de note (h 23,00) in pratza de su Càrmene: Festa cun DJ set e animatzione musicale in màscara.

Domìniga 5 de làmpadas:

  • A mesudie (h 12,00) in sa zona istòrica: Giru turìsticu enogastronòmicu cun màndigos e binos de sa traditzione bosinca.
  • A sas 7 de sero (h 19,00) in oros de frùmene:
    • Un fiume di maschere: parada de màscaras in barca.
    • Regata de sos tzios: gara de barcas istòricas (de linna e a remos).
    • Animatzione musicale cun DJ e faeddadore pro sa “Comicrònaca” de sa manifestatzione.
    • A sa fine: sas màscaras chi ant partetzipadu ant a èssere retzidas e ant a pòdere mandigare.
    • A pustis: sa festa sighit in sos locales de Bosa e de Bosa Marina.

Lunis 6 de làmpadas:

  • A sas 6 de sero (h 18,00): Sfilabosa – Carrasegare de Bosa – Parada musicale de màscaras e de carros  in sas carreras de sa zona istòrica.
  • Dae sas 8 a sas 10 de sero (h 20,00-22,00): “C’è Sa Costa per te” – Parodia teatrale in limba sarda a cura de sa cumpangia teatrale “Sas ‘Osincas”.

Martis 7 de làmpadas:

  • Dae sas 10 a sas duas (h 10,00-14,00) – “S’Atìtidu” – Parodia de su lamentu fatu dae sas fèminas chi pranghiant su mortu: sas màscaras bestidas a nieddu, comente sas fèminas in lutu, essint a chircare “unu tzichirigheddu de late” pro sas pipias chi portant a pala e chi rapresentant su carrasegare chi est morende.
  • Dae sas 8 a sas 10 de sero (h 20,00-22,00): “Chilchende a Giolzi moro” – Sas màscaras, totu bestidas de biancu, essint a chircare a Giolzi chi rapresentat su carrasegare chi est finende.
  • Dae sas 10 e mesa (h 22,30): “Giolzi a su fogu” – Sas màscaras nche leant a Giolzi a lu brusiare.

(GF.P.)