Finantziamentos a sos carrasegares istòricos: Bosa intrat in graduatòria

Su “Carrasegare ‘osincu” est intradu in sa rosa de 53 carrasegares istòricos finantziados dae su Ministeru de sa Cultura (paris cun su de s’Economia e de sas Finàntzias) e at retzidu 17.669 èuros classifichende·si a su de 40 postos.

Su Ministeru at postu a cùrrere 911mìgia èuros e sunt intrados in finantziamentu finas àteros carrasegares sardos: su primu de totus, finas in antis de sos carrasegares de Viareggio e de Venezia, est su progetu de Fondazione Oristano pro sa Sartìglia, chi at retzidu 24mìgia èuros. A su de 12 postos s’est classificada Tèmpiu (chi retzit 20.486 èuros) e a su de 34 Santu Lussurzu (chi retzit 18.181 èuros).

(GF.P.)