Mustra dedicada a tzia Iolanda e a su làuru bosincu

Pro faeddare de su filet o làuru bosincu, arte candidada a patrimòniu de s’umanidade, Bosa at aprontadu unu cunvegnu e una mustra.

Su cunvegnu s’est fatu su 27 de austu. A pustis de sa presentatzione de s’assessora a sa Cultura Paola Pintus sunt intervènnidos comente reladores Franca Oggianu, Maria Masala, Claudia Bellini, Attilio Mastino e su sìndigu Piero Franco Casula.

Sa mustra, inaugurada a fine de cunvegnu, est in sa domo de Olìmpia Melis (carrera Ùltima Costa)  e est aberta dae su 27 de austu a s’11 de cabudanni gràtzias a s’impignu de sos assòtzios La Foce, Manos de Oro e Eà de ‘Osa e de sa famìllia Rùggiu. Sos oràrios sunt sos chi sighint:

Mangianu: 10,30-12,30

Sero: 16,00-19,00

Sas initziativas tenent su patrotzìniu de su Comune de Bosa, de sa Regione Sardigna e de “Borghi più belli d’Italia”.

(GF.P.)